ԱՄՆ
Միացյալ նահանգներում, հաշվետու ժամանակահատվածում, ՀՆԱ-ն կազմել է 20,494 տրլն ԱՄՆ դոլար։ ՀՆԱ-ի նման բարձր ցուցանիշ ԱՄՆ-ն ստացել է իր ազգային արժույթի՝ դոլարի շնորհիվ։ Այս արժույթն օգտագործվում է ամբողջ աշխարհում և համարվում է ամենակայուններից մեկը։ Ամերիկան մտել է ՀՆԱ-ի ամենաբարձր մակարդակ ունեցող երկրների վարկանշային ցանկ՝ շնորհիվ այնպիսի կորպորացիաների, ինչպիսիք են Microsoft-ը և Google-ը։ Ամեն տարի Ամերիկայում նկատվում է երկրի ՀՆԱ-ի աճ՝ 2,2%-ի չափով։ Մեկ անձի համար ցուցանիշը կազմում է 62605 դոլար։
Չինաստան
Չինաստանի ՀՆԱ-ն կազմել է 13,608 տրլն ԱՄՆ դոլար։ Չինաստանը չի զիջում իր դիրքերը և մնում է աշխարհի առաջատար տնտեսություններից մեկը։ Տնտեսագետների և ֆինանսական վերլուծաբանների կանխատեսումների համաձայն՝ այդ երկիրն ունի բոլոր հնարավորությունները մոտ ապագայում ԱՄՆ-ին գերազանցելու համար։ Դա հնարավոր է ՀՆԱ-ի ինտենսիվ աճի շնորհիվ։ Չինաստանի ՀՆԱ-ի մասնաբաժինը տարեկան աճում է 10%-ով։
Ճապոնիա
ՀՆԱ-ի մակարդակով երրորդ տեղում Ճապոնիան է։ Չնայած այն հանգամանքին, որ տնտեսագետները կանխատեսում են Ճապոնիայի ցուցանիշների աճի մասնակի նվազում, այս երկրի ՀՆԱ-ն այսօր հավասար է 4,970 տրիլիոն ԱՄՆ դոլարի։ Վիճակագրության համաձայն՝ պետության ՀՆԱ-ի տեսակարար կշիռն ավելանում է 1,5%-ով։ Ցուցանիշների աճը պայմանավորված է մեքենաների, կենցաղային տեխնիկայի, համակարգիչների և այլ էլեկտրոնային ապրանքների կայուն արտահանմամբ։ Ճապոնիայի ՀՆԱ-ն մեկ շնչի հաշվով կազմում է 39309 ԱՄՆ դոլար։
Գերմանիա
Ներկայացվող ցանկում չորրորդ տեղը զբաղեցնում է Գերմանիան՝ տարեկան 3,996 տրլն ԱՄՆ դոլար ՀՆԱ-ով։ Երկիրը կարողացել է նման ցուցանիշների հասնել Volkswagen ավտոմեքենաների, արդյունաբերական սարքավորումների և կենցաղային տեխնիկայի արտահանման շնորհիվ։ Նախորդ տարվա համեմատ Գերմանիայում համախառն ներքին արդյունքի տեսակարար կշիռն աճել է 0,4%-ով։ Մեկ շնչին ընկնող ՀՆԱ-ն 48264 ԱՄՆ դոլար է։
Մեծ Բրիտանիա
Աշխարհի զարգացած երկրների թոփ 5-ում վերջին տեղը զբաղեցրել է Միացյալ Թագավորությունը։ Շուրջ 2,825 տրիլիոն ԱՄՆ դոլար ցուցանիշի մակարդակը Մեծ Բրիտանիային թույլ տվեց լավագույն հնգյակից դուրս մղել Ֆրանսիային։
Հ․Գ․
Ճիշտ է, աշխարհի ամենազարգացած երկրների ցանկում Հայաստանը ՀՆԱ-ի մակարդակով անհամեմատ հեռու է վերոնշյալ երկրներից, այդուհանդերձ, ինչպես պնդում են մասնագետները, մեր երկիրը որոշակի հաջողություններ գրանցել է այս ուղղությամբ։ Այսպես, պաշտոնական տվյալներով, 2022 թվականի երրորդ եռամսյակի տվյալներովՀայաստանի ՀՆԱ–ն մեկ տարում աճել է 14,8 %–ով։ Միաժամանակ, սպասվում է, որ 2022 թվականին Հայաստանի ՀՆԱ–ի աճը կկազմի 12,5%։ Նման կանխատեսում է արել Եվրասիական զարգացման բանկի (ԵԱԶԲ) Վերլուծական աշխատանքների տնօրենության երկրների վերլուծության կենտրոնի ղեկավար Ալեքսեյ Կուզնեցովը․«Հայաստանի տնտեսությունն ընթացիկ տարում տարածաշրջանում աճի առումով առաջատարն է։ Մեր գնահատականներով
ՀՆԱ–ի աճն ընթացիկ տարում կարող է կազմել 12,5%։ Սա տնտեսության ամենասրընթաց աճը կլինի, հավանաբար, վերջին 15 տարվա ընթացքում»։
Նրա խոսքով, նման ուժեղ տնտեսական ակտիվության համար խթան է հանդիսացել սպառողական պահանջարկի աճը։ Այստեղ իր դերն է խաղացել նաև օտարերկրացիների ներհոսքը Հայաստան` նախևառաջ Ռուսաստանից (2.5 անգամ ավելի, քան 2021 թվականին)։